السلام عليكم ورحمة الله وبركاته .. صباحكم أو مساءكم خير :$
أول تدوينه لي إن شاء الله تعجبكم وتستانسون فيها...
-
-
أول شي راح أتكلم عن الطموحات والأهداف ووش أهميتها بحياتنا !! يعني لما نكون طموحين وعندنا أهداف وش بنستفيد , وكيف بتتغيرحياتنا وتكون مختلفة عن اللي ما عندهم هدف بالحياه !
الشخص اللي عنده هدف بالحياة تحسون أنه إنسان عاقل , مفكّر , طموح , واثق من نفسه , ما عنده كلمة طفش أو مستحيل ! عنده حاجة يسعى لها ولتحقيقها , يسعى لتحقيق كل الأهداف والطموحات اللي يحس نفسه راضي لما يوصل لها , ومقتنع بكل خطوة يخطوها لأنه يبي يجرّب كل شي يبي يبذل طاقة وجهد عشان يحس بالنجاح !
تحقيق الأهداف أبداّ ما يجي بدون تعب وجد واجتهاد! يعني ما بجلس وأحط رجل على رجل وأنتظر أهدافي تتحقق وأنا ما تعبت أو سويت شي عشان أوصلها .. لازم العزيمة والإرادة عشان أوصل للشيء اللي أنا أهدف له ..
,,,
طيب كيف نحقق أهدافنا ؟ أول شي نحدد الأهداف اللي نبي نوصلها ونبدأها خطوة بخطوة , أحدد أنا أبي أكون وش ؟ أنا أشوف نفسي وين ! .. طبعاّ قبل كل خطوة نخطوها نتوكل على الله ونستخير لأن الله أكيد بيختار لنا الخيره الطيبه .
ثاني شي نحدد الفتره اللي بنحقق فيها هذا الهدف , الوقت والتاريخ واليوم عشان ما نتكاسل عن الأهداف الثانية وننجزها .
ثالث شي أكون أنا عارفه وش أبي ووش أحتاج عشان يتحقق هدفي وكيف بحققه ., مثلاّ : أحتاج لورقة وقلم عشان أكتب فيها اخطوات أو أحتاج لسبورة أو ورقة مهام عشان أسجلها .. كل شخص يشوف الطريقة اللي تناسبه ويكتبها ..
أهم شي في تحقيق الأهداف أني أكون مرنه ومتزنه في التعامل مع الهدف اللي أبي أحققه يعني ما أشد على نفسي مره ولا أرخي مره أكون متوسطه ..
رابعاّ لازم نختار أصدقاء وأصحاب كويسين مو كل شوي تحلطم :@ ههههههههه يعني نحاول نتجنب الناس السلبية واللي بس تكسر فينا ذولا ابتعدوا عنهم ابتعاد كلي تام =)) .
وأخيراّ شعور الإنجاز وتحقيق الأهداف شعور جميل جميل جميل ما ينوصف , أنك تتعبين عشان تحققين هدف لك أنتٍ وتتحدين نفسك وتقسين - شوي - عليها عشان هالهدف ويتحقق , اللي ما جرّبت هالشعور تبدأ من الحين ! باقي ما فات الآوان , جرّبي وتحدي نفسك واغلطي وصححي غلطك وكملي وحققي هدفك وأنجزي وجربي هالشعور واستمتعي !
بالنهاية لو كنت وصلتي لهذي المرحله من القراءة أشكرك مرره <3 وإن شاء الله تكونون استفدتوا واستمعتوا .. يهمني رأيكم بأول تدوينه لي سواء كان إيجابي أو سلبي ...
أشوفكم بتدوينة ثانية يا جميلات <3
